第三十六章中美日关系‘罔议’1
（1）
陶卓然听了点点头，认为阿政讲得有道理，就接口讲：
“其实，我认为喺相当一部分嘅日本人中，对美军係极端仇视嘅，佢哋认为当年美军喺日本掟原子弹嘅做法，至係真正嘅‘屠杀平民’，宜家日本係右翼政党执政，佢哋炒作中国威胁嚟扩军，实际上係迎合咗日本国内根深蒂固嘅民粹主义思潮。
“大家都清楚，日本嘅右翼政府有两个行为特征係好明显嘅：第一、否认历史。比如‘南京大屠杀’事件，不但止唔‘反省’，更係一口否认。第二、恶人先告状。比如：明明钓鱼岛历史上就係中国嘅，佢哋偏要话係佢哋嘅，仲喺国际上乱吠。中国喺东海划设防空识别区，佢哋就话中国挑衅，但佢哋却设立咗四十几年。如果你同佢哋讲：日本人喺中国杀咗几多几多人，佢就会马上反咬：日本人畀美国‘原子弹’杀死嘅人更多。所以，佢哋认为自己先至係‘受害者’。
“佢哋喱种‘死唔认错’、‘死不悔改’嘅禀性，真係好危险嘅，所以美国人二战后就喺日本驻军，而且至今一直‘赖’喺嗰度不走。
“喱种做法，宜家从表面上睇，好似係美国利用日本作为‘基地’嚟‘围堵’中国。
“但历史事实却係：美国人喺日本‘监视’日本人！
“喱两个国家係互相利用，又互相仇视嘅。
“美国人为何至今坚持噉样做呢？原因係美国人一直‘怕’日本人会‘暗中’研制大规模嘅杀伤性武器嘅。
“因为美国人知道，日本喱个国家係一个十分‘自大’、非常‘狂妄’嘅的国家。如果畀佢哋搞出‘原子弹’嚟，噉就唔得了，其对美国嘅威胁较之伊朗同朝鲜，不知要大几多倍。
“美日之间係有‘世仇’嘅，佢哋两国表面唔提，但大家心中都有数。
“当年二战欧洲战事结束前后，美国本无打算以‘政府’名义直接介入亚洲战场嘅，因为佢哋喺欧洲战场打得好辛苦，死咗唔少人。所以对亚洲战场，佢哋认为係‘事不关已’嘅。一开始佢哋的政府官员普遍认为亚洲离佢哋噉鬼死远，唔关佢哋事，佢哋只係想卖‘军火’赚钱。
“因此，最初嚟中国参战嘅美国人，基本上係以‘民间’人士嘅身份出现嘅，比如：‘飞虎队’陈纳德等。嚸知日本人嫌美国人参与咗封锁日本人嘅‘经济制裁’行动，搞到日本嘅‘石油’、‘橡胶’、‘钢铁’等军事战略物资极度短缺，狂妄嘅日本人就喺41年首先发难，偷袭‘珍珠港’，将美国嘅‘太平洋舰队’炸得七零八落，噉就彻底激嬲咗美国人。
“结果，几年之后，美国人‘回敬’日本人两个‘原子弹’，炸得日本人死伤无数，不得不无条件投降。
“综观两国之间嘅争斗过程，係日本人‘挑衅’在先，美国人‘还击’在后。
“但日本人却认为，自己‘偷袭’嘅珍珠港是‘军港’，是军事设施，所以佢哋嘅行动属‘军事行为’，而美国人喺日本连续掟‘原子弹’，而且都係投放喺人口密集嘅‘城市’，属于对平民嘅‘杀戮行为’，性质完全唔同。所以，喺日本右翼、以及相当多嘅普通民众心中，至今仍然係对美国‘恨之入骨’嘅。
“按目前日本人从不‘自省’嘅民族性，佢哋迟早会向美国人报喱‘两弹’之仇嘅。
“对此，美国政府亦都知当年一再喺日本‘掟’原子弹嘅做法有‘杀戮过度’之嫌，事后有关方面或人士亦觉得‘心中有愧’，佢哋参与嗰次行动嘅人当中，有人甚至喺几十年后出现咗‘忧郁症’。但即使係噉，美国政府对日本人迟早会‘报复’嘅可能性，一直係‘心知肚明’嘅。美国人十分清楚，按目前日本嘅科技水平，以及其为世界第一储钚大国嘅情况，要暗中搞出一千几百个原子弹係完全有能力嘅。
“所以美国战后几十年嚟，一直坚持喺日本驻军，就係监视日本，唔畀佢哋有机会偷偷搞原子弹，
“所以美国战后几十年嚟，一直坚持喺日本驻军，就係希望可以随时将日本嘅‘报复’扼杀喺‘萌芽’状态，最起码有‘延误’嘅作用。我睇，如果日本右翼唔‘铲除’，美国人仲有排‘辛苦’呢，永远都会担惊受怕。
“所以讲，战后前苏联占咗日本嘅‘北方四岛’，係执到个‘大元宝’，而美国人战后却係执咗件‘大包袱’。
“我猜啊，喺美国政府等级最高嘅机密档案中，一定会有个‘决议’明确：美国要永远喺日本驻军！
“所以，宜家有啲仇视中国嘅所谓嘅‘军事家’、‘战略家’，以及喺中国大陆内部崇拜美国嘅人，经常吹嘘美国人几十年就识得喺日本‘布局’，围堵‘今日’嘅中国，喱啲观点同**，实在係一种‘无知’兼‘无稽’之谈。
“因为，几十年前嘅中国，係国民党执政嘅，唔係今日嘅中国。
“嗰时嘅中国国民党政府，是美国嘅‘盟友’，所以喺1945年后‘国共’两党嘅‘内战’中，美国政府一直都係‘不遗余力’噉帮国民党政府嘅。唔但止畀钱、畀武器，仲派‘军事顾问’。
“一句话，美国政府对国民党政府真係‘帮到尽’。
“但美国政府嚸都谂唔到：手上有几百万军队、又刚刚取得抗战胜利，正係‘如日中天’嘅国民党政府，竟然会喺几年之间就一败涂地，要溃退台湾。
“事实上，喺日本投降后，当时嘅国民党政府喺1946年中，亦曾准备派军队驻日本嘅，喱个部队就係第67师，但因当时国民党政府为咗对付**，就将喱个原已准备赴日嘅全副美式装备嘅14500人就留咗落嚟，喺国内打内战。
“所以讲，嗰时中美两国本来都要喺日本驻军嘅，后来国民党政府冇派兵，而美**队就留咗落嚟。喺日本驻军嘅历史事实就係如此，并唔係当年就为咗围堵‘今日’嘅中国。
“后嚟，朝鲜战争爆发，美国为咗对付前苏联同中国，转而与日本结成同盟，由此拉开咗冷战序幕，美国喺日本嘅驻军嘅‘监视’性质喺表面上亦就从此改变咗，日本人亦由‘被监视’者，变成美国对付前苏联和中国嘅‘马前卒’。
“所以，话美国人喺几十年前就有‘先见之明’，一早就喺日本驻军来围堵‘今日’嘅中国，噉就太过抬举美国人嘅‘智商’啦。
“当然，喺今日嘅中美交往中，一定要重视美国，但亦冇必要太过‘高估’佢哋。
“再讲啦，美日两国从上世纪五十年代就联手，一直对我哋中国大陆实行封锁，围追堵截样样都齐，但效果嚸呢？中国大陆从弱到强，人民嘅生活从贫困到富裕，国家嘅经济实力从一百几名后到宜家嘅‘和平崛起’，变成全世界第二，噉就讲明，中国政府不但搞军事可以，搞经济建设同样係把‘好手’，美日两国对中国大陆嘅政策係注定会失败嘅。
“其实，美国继续喺日本驻军嘅做法，对中国嚟讲，未尝唔係一件‘好事’，因为佢哋噉样做，一係可以帮中国‘浪费’美国嘅军费，加重美国嘅财政负担。二係可以帮中国‘制造’美日矛盾，因为驻日美军经常会‘犯错’，当地居民对美军係非常反感嘅。最近，一个自称“革命军”嘅团体，仲向东京嘅美军横田基地发动咗火箭弹袭击。
“所以，中国大陆根本就无必要过多考虑喱个问题，反而应想法子将美军‘拖’喺日本。因为美军基地离中国大陆越近，美**人就越容易受到中国嘅打击，噉样美国政府就越不敢轻举妄动。若美军离你远，嗰时就只有佢打你，你却无法打佢，喺噉嘅形势下，美国人就一定会乱嚟。喱种战例喺中东同阿富汗、巴基斯坦见得多啦。
“上面讲到，我哋唔应该‘高估’美国政府的‘智商’，最主要係美国政府嘅决策能力同运作能力嘅表现令人失望，美国政府并唔係高效、优质嘅政府。
“原因係美国实行嘅‘两党制’政治架构，宜家已沦落为一种互相‘扯猫尾’嘅‘政客’游戏。
“我哋经常可以睇到，当美国喺台上嘅执政党有‘好’嘅政策要出台时，喺台下嘅在野党就一定‘为反对而反对’，如果佢哋唔反对，唔搞啲‘小动作’，一旦畀执政党‘顺风顺水’噉实施各项方针政策，执政党就会更得‘民心’，就会得到更多嘅‘选票’，噉样嘅话，在野党就永远都冇机会‘翻身’，想‘上台’嘅机会就等于‘零’。
“所以，因为有喱种离心离德、为咗‘上台’而反对一切嘅在野反对党‘拆台’，就必然会造成喱个国家嘅‘国策’摇摆不定，无法形成一种长期、有效嘅国策，甚至喺处置突发事件时，反应亦十分迟钝。
“比如最近美国政府就‘关门’咗十几日，原因就係在嘢嘅共和党为咗反对总统提出嘅‘医改’方案，故意喺自己党占多数嘅众议院中，以限制政府债务上限为理由，阻挠经参议院批准嘅增加对‘医改’方案拨款嘅议案，使喱个对多数人有好处嘅方案迟迟无法实施。
“喱种情况，令人相当困惑，嚸解一个国家嘅议会和‘民选’政府会‘沦’为政党、甚至是政客嘅博弈工具？这让极力推崇美国制度嘅人係何等难堪。
“同时亦使美国嘅欧洲盟友感到无法理解，佢哋讲：我哋都唔知听日美国人会做出啲乜嘢决定嚟，真係唔敢同佢哋做交心朋友。
“噉就等于一个人，今晚係喺‘右边’上床瞓觉，听天瞓醒觉，就可能喺‘左边’落床，‘朝秦暮楚’、‘朝三暮四’，日日如是，最后搞到自己都‘晕’鬼咗。好似噉样‘晕佗佗’嘅政府同政治制度，又嚸会有好嘅将来嘎？”
(本章完)