第三十六章中美日关系‘罔议’2、3
（2）
陶卓然讲到此，喝了口茶后又接着讲：
“由此而论，喺喱种政治制度下，美军嘅‘战略战术’同样亦係‘麻麻地’嘅。
“二战后期，美军喺‘硫磺岛’嘅对日作战中，已经喺占绝对优势嘅情况下，仲死伤咗二万几人，其战术之呆板、拙劣喺世人面前暴露无遗。
“接落嚟，喺对日本土嘅作战中，美军为咗减少自己嘅伤亡，就瞌埋双眼掟咗两个‘原子弹’，喱种做法，属于典型嘅‘你死你事’，‘你死好过我死’的阴暗心理同极端自私的‘杀戮’行为。
“虽然喱种情况喺战争中，喱种行为屡见不鲜，我亦唔会轻易同情日本人，因为佢哋喺亚洲、尤其係喺中国，亦都做过唔少‘惨无人道’嘅恶行。但好似美国人噉样大规模噉‘屠杀’平民，却係人类历史上绝无仅有嘅，同样係非常冇‘人道’嘅。
“‘战国’时期，秦国大将白起喺‘长平会战’一次就‘坑杀’赵国嘅几十万‘降卒’，亦属于极不人道嘅行为，但嗰啲毕竟係‘降卒’，如果‘释放’喱啲‘降卒’，佢哋完全有可能一转身就会重新投入战斗，为防止喱啲‘降卒’再次攞起武器，白起就残忍噉采取咗喱种极端手段。而美国人却係明知到喺喱两个城市中大绝大多数係平民，仲噉样做，就太过分啦。
“之后，从‘抗美援朝’，到‘越南战争’，美国人喺亚洲嘅两次大规模出兵，基本上都係‘损手烂脚’收尾，连佢哋自己都认为係‘得不偿失’。
“到咗最近嘅‘阿富汗战争’，美国人为捉一个‘乜登’，派出十万大军，喺嗰度打咗十年有多，花咗七千几个亿，死伤七千几人，亦係‘师老无功’，最后仲係喺其他嘅地方揾到喱个人。
“如果係换咗中**队，情况就可能完全唔同，我睇唔使两个军，就足可以彻底搞掂佢。
“可见美国人嘅战略战术真係‘华而不实’，剩係识得用‘高科技’嚟吓人，尤其係对中东嗰哋军备三流嘅国家，美国人就唔停噉‘喊打喊杀’，一日到黑都用‘无人机’去炸人。噉样做嘅后果只能係：问题冇解决，反而种落仇恨。
“所以，我係唔睇好美国人嘅，佢哋嘅‘政治制度’有问题，‘战略战术’有问题，目前实行嘅‘单边主义’政策亦都有问题。
“佢哋喺全世界范围打住‘反恐’嘅旗号‘滥杀无辜’，最后必然会‘惹火烧身’嘅。”
陶卓然讲完，有点不屑地摇摇头。
众人听陶卓然长篇大论地讲了这么多，都觉得惊奇，因为他平时给人的印象是比较‘内敛’，很少将自己的‘观点’像今天这样详详细细地表达出来的。
‘肥佬张’带头鼓掌，讲：“卓然兄讲得啱，美日两个国家一直都係互相利用嘅。其实我话吖，美国佬‘怕’日本仔，因为佢哋用‘原子弹’炸过日本仔，所以要用‘防’。而日本仔又‘怕’中国，因为佢哋‘侵略’过中国，所以就‘吠’中国。
“一句话：美国佬‘怕’日本仔报仇；
“日本仔‘怕’中国人报仇。。”
陶茵听了，问：“美国人既然‘怕’日本人报‘隔夜仇’，坚持喺日本驻军，噉点解美国人仲成日喺中东同中国周边‘煽风点火’，噉唔係等于同自己‘四面树敌’？迟早亦会‘搬起石头砸自己只脚’嗰啝”
‘肥佬张’听了，就呵呵笑了起来，讲：“喱个就叫做‘浑水摸鱼’，美国人希望全世界都你打我、我打你，‘鹬蚌相争’，佢就可以坐享‘渔人之利’。但美国人噉样做属于‘火中取栗’，最后一定会係‘机关算尽’，到头嚟係自己害自己。
“头先你爹哋已经讲得好清楚啦，美国嘅政治制度、国际战略都确实有问题，到头嚟最可能係‘萝卜头’打美国佬，因为全世界除咗‘极端分子’外，最想向美国佬‘寻仇’嘅人就係‘日本仔’！只要有机会，佢哋一定会‘炸’番美国佬一‘嚄’甘嘅！”
陶茵听了，若有所思地问：“真係噉肯定？”
“哽係啦，因为喺喱个世界上，就只有美国佬使日本‘萝卜头’真正蚀过底。你以为美国佬嗰两个原子弹讲玩嘎？全世界到宜家为止，就只有‘萝卜头’挨过原子弹，而且仲係连续两次，确实炸得好‘惨’嘎，因为死伤嘅绝大多数係平民，喱一点，我係有啲‘同情’日本平民嘅。”‘肥佬张’回答。
阿政讲：“係吖，喺美军使用‘原子弹’嘅喱件事上面，唔少日本人至今确係有睇法嘅，卓然头先嘅分析真係好啱嘎，直情係‘一语中的’。”
“嚸止分析得啱吖，我睇仲要进一步向全世界揭露：日本人喺二战后嘅喱几十年，就好似‘春秋战国’时嘅‘勾践’，表面上对美国佬係‘低眉顺眼’，话愿意做美国佬嘅‘马前卒’、‘跟尾狗’，美国佬指佢‘吠’边个佢就‘吠’边个，其实喱啲‘萝卜头’喺暗中却係‘卧薪尝胆’，等佢哋手臂‘粗’咗，佢哋一定会‘做’美国佬一嚄嘅。因此，美国佬一係：要继续‘摁’住佢，二係：唔能够再继续扶植佢。唔係嘅话，就等于养狗咬‘嗰度’。。”
‘肥佬张’讲完，就‘呵呵呵’地笑了起来。
（3）
陶茵听了，不明地问：“肖明叔你讲嘅‘嗰度’係乜嘢嚟嘎？係咪‘养虎为患’嘅意思啊？”
嗬嗬嗬。。‘肥佬张’又一阵大笑，他指指阿政，讲：“你问政叔啦，佢比我有文化。。”
阿政‘啐’了‘肥佬张’一口，讲：“你个死人嘢，成日都粗口八舌，阿茵唔好理佢。。”
‘肥佬张’又讲：“我个人粗‘理’唔‘粗’啊，阿茵我畀条题你猜：如果终有一日，日本仔手上有‘两个’原子弹，你话佢会掟去边度哪嗱？”
“一个中国？一个朝鲜？”陶茵猜。
“全错，阿茵你考试唔及格呢，应该係两个都掟畀美国佬。”‘肥佬张’很肯定地讲。
“啊。。噉又嚸解吖？”陶茵不明地问。
‘肥佬张’解释：“事因日本喱个民族好狭隘、复仇心好强嘎，佢哋一定会好似你爹哋头先讲嘅噉样，第一时间报‘一箭之仇’嘅。你唔好睇佢哋叫乜‘大和民族’，其实我睇佢哋一啲都唔‘和’。历史上喱个民族从来就好识‘窥测’方向嘅，边个人嘅‘拳头’大，就做边个嘅‘马仔’，边个‘衰’咗，佢就‘踩’边个。
“从元朝末年开始，从喱个岛国出嚟嘅‘倭寇’，就经常喺我哋嘅海边搞搞震。
“到咗十八世纪嗰时，佢哋搞‘明治维新’，话要‘脱亚入欧’，结果后来就学欧洲嗰啲‘海盗’国家，喺周边搞‘殖民’，先后霸占咗朝鲜半岛同我哋嘅东北。
“从二、三十年代起，佢哋就喺我哋嘅领土上‘杀人如麻’。
“到咗四十年代，佢哋又从占据我哋嘅东北南下，侵占咗大半个中国，仲话係‘拯救’同‘解放’被欧洲殖民嘅‘支那人’，话乜嘢噉样做係搞‘大东亚共荣’，比如：当时侵华日军第二十五军团上校参谋长‘还正信’，于1941年日本攻占咗香港、缅甸、马来西亚之后，曾喺自己嘅‘日记’上写道：日本下一个使命就是给南亚各国人民带来自由，对这些国家的人民来说，西方人纯粹都是武装的强盗，我们日本人才是兄弟……”
“係啊。”阿政插话：“我喺最近一期的《新华文摘》睇到，有个名叫‘野口米次郞’嘅家伙，係个学者，佢喺38年7月23日畀印度文豪泰戈尔嘅信中就狡辩：‘日本之所以征伐中国，只是要警戒中国政府，以拯救中国人民和文化。’噉就讲明，喺日本，当时多数人係赞成对华侵略嘅！所以，今日嘅日本政府右倾化就一啲都唔奇怪，军国主义喺日本係有历史渊源和社会基础嘅，日本议会中嘅多数人喺骨子里面就係啲‘衣冠禽兽’。”
‘肥佬张’接着讲：“喱啲以‘救世主’自居嘅‘萝卜头’仲讲：中国人嘅抵抗，係唔识‘时务’，只能用大炮嚟‘开导’我哋，真係欺人太甚！”
陶茵听完，点点头，附和地讲：“係吖，我听嫲嫲讲，嗰啲日本人好残忍，喺南京沦陷时，有两个日本鬼子攞住东洋刀，搞砍杀中国人嘅‘百人斩’比赛。”
“咪係啰。”‘肥佬张’讲：“你话喱啲人几冇人性吖，而且至今都唔认错。”
“係吖。”陶茵接口讲：“我听嫲嫲讲，佢话其实日本人唔係趁当年我哋国家内战之机，从东北再次发动侵华战争。又如果唔南下，再用几十年时间‘经营’东北嘅话，东北就好可能被日本人长期霸占落嚟嘎啦，完全会成为佢哋嘅‘殖民地’，因为东北嘅面积比日本大几倍，自然条件就更係优越。”
“咪啰，‘萝卜头’噉样做就叫做‘人心不足蛇呑象’啦，抵佢冇运行。”‘肥佬张’幸灾乐祸噉讲。
陶茵又讲：“嫲嫲仲话吖，当时佢哋到咗上海，唔再南下，佢哋都仲係有‘运’行嘅，但后来佢哋好似‘癫狗’噉再扑过长江，就注定佢哋要行‘衰运’啦，因为佢哋根本就冇噉嘅‘综合国力’。从1939年开始嘅三次‘长沙会战’结束时，佢哋大量嘅人力物力被消耗得非常厉害，就已经‘注定’佢哋迟早要‘输’嘎啦，再到41年，佢哋‘偷袭珍珠港’，挑起‘太平洋战争’，到最尾挨咗两个原子弹至‘收手’。
“嫲嫲讲，日本人承唔承认畀人‘打败’冇关系，我哋只要睇下佢喺中国有乜‘本事’征服我哋，结果呢，事实证明佢哋冇噉嘅‘本事’。
“仲有，历史证明：中华民族历来自强不息，有几千年嘅文化底蕴，就算一时‘失利’，亦唔会‘沉沦’或者被‘灭亡’嘅。
“虽然我哋有过被外族‘统治’嘅历史，但最终仲係‘统治者’被‘同化’，融合为中华民族大家庭嘅一员。
“所以讲，日本人还算‘运气’好，如果唔係，过多一段时间，话唔定佢哋宜家可能亦係中华民族里面嘅一员呢，噉样，我哋国家就会多咗个民族，变成五十七个民族嘎啦”
讲完，陶茵自己笑了起来……
(本章完)